အစ်မ မကေ....
ကျေးဇူးပြု၍ထပ်မံဖော်ပြခွင့် ပြုပါခင်ဗျာ...
စာပန်းချီေ၇း၍ခြယ်သည်...ဤခရီးနီးပါစေသား...
အပြောင်းအလဲ တွေက၊ လေမုန်တိုင်း တခု လို။
ပြောရရင်တော့.. မြစ်ဝကျွန်းပေါ် ဒေသ ကို တညတည်း နဲ့ မထင်မှတ်ထားပဲ ၀င်မွှေသွားတဲ့ နာဂစ် မုန်တိုင်း
လိုပါပဲ။ မြန်မာပြည်ရဲ့ နိင်ငံရေး နယ်နမိတ် တလျှောက်၊ တနှစ်လောက် အတွင်းမှာပဲ၊ မထင်မှတ်ရခက်.. ထင်မှတ်ရခက် စွာ၊ ၀င်ရောက်တိုက်ခတ် နေလေ ခဲ့ သည်။
ဒေါ်အောင်ဆန်းစုကြည် နဲ့ ဦးသိန်းစိန် ရဲ့ တွေ့ဆုံမူ။ အမျိုးသားဒီမိုကရေစီ အဖွဲ့ချုပ်ရဲ့ အလှည့်အပြောင်း။ အဲ့ဒီနောက်မှာ၊ ၂၀၀၈ အခြေခံ ဥပဒေ ကြီး၊ ဖွင့်ထွား စွင့်ကား လာခြင်း။ မကြောက်တရား တွေ ထမ်းပိုးလို့၊
ပြန်လည်လွတ်မြောက်လာတဲ့၊ နိုင်ငံရေး အကျဉ်းသား များ။ အကြောက်တရားတွေ ခ၀ါချ နိုင်လာတဲ့၊ (ဒေါ်စု
ပြောသလို )တမိုင်လောက်ဝေး သူများ ရဲ့ အုတ်အော်သောင်းနင်း တက်ကြွမူ များ၊ ရွေးကောက်တင်မြှောက်
သော လွှတ်တော် အမတ်များ။ ရွေးချယ်စရာ နည်းပါးသော၊ လွှတ်တော်အမတ်များ။ ၈၈ မူလလက်ဟောင်း
များ.. လက်ကျန်များ.. လက်သစ်များ။ ပြည်တော်ဝင်များ.. ပါတီဝင်များ စသည်ဖြင့်၊ မြန်မာ့နိုင်ငံရေးကြီး ပြန်
လည် အသက်ဝင် လှုပ်ရှား လာခဲ့သည်။
မြန်မာပြည် တ၀ှမ်းလုံးက၊ နိုင်ငံရေး နိုးကြားလာမူ တွေ ကလည်း၊ တရက်တလေ တောင် မနားတော့
လောက်အောင်၊ သတင်းများက ဖတ်လို့မကုန်။ လိုက်လို့ မကုန်။
ရခိုင်အရေး။ မြစ်ဆုံအရေး။ ကျောင်းသားသမဂ္ဂ ပြန်လည်တည်ဆောက်ရေး။ ရန်ကုန်တက္ကသိုလ်ပြန်ဖွင့် ရေး
ကချင်ဒုက္ခသည်အရေး။ ရခိုင် ဒုက္ခသည်အရေး။ လက်ပတောင်းတောင် အရေး၊ စာနယ်ဇင်း လွတ်လပ်ခွင့်
အရေး က အစ သမ္မတထောက်ခံရေး၊ သမ္မတ ကြိုဆိုရေး အထိ ‘တို့အရေး’ တွေ တိုးတက် များပြားလာ
သည်။ လှုပ်ရှား တက်ကြွသူတွေကလည်း အဖြူရောင် တွဲလက်၊ ခရမ်းရောင်ကွန်ယက်၊ အပြာရောင် တီရှပ်၊ အစိမ်းရောင် ပရောဂျက် ဆိုပြီး၊ ပန်းနရောင် ဒီမိုကရေစီ နောက်ခံ ပန်းချီကားပေါ်မှာ အရောင်စုံစုံစုပ်ချက်
ကြမ်းကြမ်း နှင့် ခပ်သွက်သွက် ဆေးစက်ခြယ် ကြလေသည်။
မြန်မာနိုင်ငံ ရဲ့ နိုင်ငံရေး ရေချိန်တက်နေပုံ က.. နိုင်ငံ နယ်နမိတ်ကိုတောင် ကျော်လို့။ ဥရောပ အမေရိကန် ကမ္ဘာတလွှားက၊ လှုပ်လှုပ်ရှားရှား ၀မ်းသာအယ်လဲ ဖြစ်ကြရ တဲ့၊ ဒေါ်အောင်ဆန်းစုကြည် ရဲ့ ပြည်ပခရီစဉ် ကြီးတွေ၊ မိန့်ခွန်းတွေ၊ မေးခွန်းတွေ ။
အဲဒီ မိန့်ခွန်းတွေ လိုပဲ၊ မြန်မာပြည် အကြောင်း ထဲ့ပြောသွားတဲ့၊ သမ္မတ အိုဘားမား ရဲ့ ကုလသမဂ္ဂ အဖွင့် မိန့်ခွန်း။ အီရန် သမ္မတ အမဒင်နာဂျပ် နဲ့ အပြိုင်၊ ကမ္ဘာက စိတ်ဝင်တစား နားထောင် လိုက်ရတဲ့၊ မြန်မာ သမ္မတ ဦးသိန်းစိန် ရဲ့ မိန့်ခွန်း။ လူတွေ မလည်း၊ ဒီရက်တွေမှာ၊ မိန့်ခွန်းတွေ မထပ်အောင် မပြတ်အောင် နားထောင်ရင်း၊ မိန့်မိန့်မူးမူးတွေပင် ဖြစ် လု မတတ်။
လှိုင်းလူး သလို မိန့်မူး နေရတာက၊ မြန်မာပြည် အပေါ် ပိတ်ဆို့ အရေးယူမူ တွေက၊ အကန့်အသက်နဲ့ ဖြစ်
သွားလိုက်၊ တ၀က်ပွင့်သွားလိုက်၊ တပေါက်ပွင့်သွားလိုက်.. အပြည့် ပွင့်သွားလိုက် နဲ့ ၊ ခေါင်းမူးအောင်လိုက်
ဖတ်နေရသည်။
နှစ်ပေါင်း နှစ်ဆယ်လောက် ပိတ်ဆို့ခံထား ခဲ့ရတဲ့၊ ကမ္ဘာကျော် ယုံကြည်ချက် အကျဉ်းသူကြီး က၊ပိတ်ဆို့ မှု
တွေ ဖွင့်ပေးဖို့၊ ပြေရာပြေကြောင်း ဆော်သြ ဆောင်ရွက်ပေး ခဲ့ တာကိုပဲ၊ သူတို့ ကိုယ်တိုင် သွား ပြောဆို လာခဲ့ လိုက် လိုလို ။ တကမ္ဘာလုံးက ကြည်ညို ချစ်ခင် လေးစား ယုံကြည် ရတဲ့ မျက်နှာတခု ကို ထောက်ပြီး၊ ‘ယုံကြည်ပါတယ်’ လို့ ဆို လို့၊ အဖက်လုပ် ဆက်ဆံ ခံ ရတာကိုပဲ၊ ငြိမ်းချမ်းရေး နိုဘယ်ဆုတောင်ရတော့  မလိုလို ။ နယူးယောက်ကို တကူးတက ပြန်လာပေး ရတဲ့၊ ဒေါ်အောင်ဆန်းစုကြည် ကိုပဲ၊ အာဏာပါဝါ နဲ့ ကြိမ်စကြာ ရိုက်ခေါ်သလိုလို၊ သူတို့ကို ပဲ ခရီးဦး ဂါရ၀ လာပြုသလိုလို ။ လိုလို တွေ များလွန်းနေသည်။
နိုင်ငံတော် သမတကြီးကို အမကြီး ဒေါ်အောင်ဆန်းစုကြည်က လာပြီးတော့ ဂရိလုပ်တာ...ပါနော်..
အရင်တုန်းကလို မဟုတ်ဘူး..
ကျနော်တို့က..အရင်တုန်းက မျက်နှာချင်းဆိုင်တဲ့အလုပ်မလုပ်ဘူး ခုတော့ မောင်နှမလိုပဲ လာတယ် နှုတ်ဆက်တွေ့ဆုံကြတယ်...
ဆိုတဲ့ သမ္မတရုံးဝန်ကြီး ဦးစိုးသိန်း - ရဲ့ RFA အင်တာဗျုးက၊ ဘာလိုနေမှန်းမသိသော၊ ဘာလိုလို ။
စစ်သားတွေကို လူတယောက်ခြင်း အဖြစ် မမြင်ပဲ၊ စစ်အာဏာရှင် စနစ် လို့ပဲ မြင်ပုံရတဲ့ ၊ ဒေါ်အောင်ဆန်း
စုကြည် ဟာ၊ ‘ ကျမ စစ်ဗိုလ်ချုပ်ကြီးတွေ တော်တော်များများကို သဘောကျပါတယ်’ လို့ ဖြေ လိုက် လို့ စီအန်အန် သတင်းထောက် အမန်ပွါ အံ့သြတကြီး ဖြစ်သွားရသလို၊ လူအတော်များများလည်း ဖြစ်ခဲ့ကြပါ သည်။ ဘာပဲ ဖြစ်ဖြစ်… ဟီလာရီ ကလင်တန် ပြောသလို၊ လူသတ်သမားတွေ လို့တောင် ခေါ်လို့ရတယ်ဆို တဲ့ တချိန်က အာဏာရှင်တွေ နဲ့ အခုအချိန်မှာ အလုပ် တွဲ လုပ်ဖို့ သဘောထား ကြီးကြီး ထားတဲ့၊ကျင့် ဝတ် သိက္ခာအပြည့် နဲ့ ခေါင်းဆောင်တယောက် ကို၊ အားလုံး ၀န်းရံ ထောက်ခံဖို့ သာပင်...
ဒေါ်အောင်ဆန်းစုကြည်က၊ စစ်ဗိုလ် စစ်သားတွေ မတရားခဲ့တာကိုမတရားခဲ့တဲ့အတိုင်း၊ ထောက်ပြပြောဆို
ပြောခဲ့သလို၊ စစ်ဗိုလ်စစ်သားတွေ အပေါ်မှာ သူ သံယောဇဉ် ရှိတာကိုလည်း၊အခါအခွင့်သင့်တိုင်းပြောလေ့ 
ရှိသည်ပင်။ သူမ ဖက်က၊ မြန်မာ့ တပ်မတော် နဲ့ ပတ်သတ်သမျှ အပေါ်မှာ၊ ဟောင်းဟောင်း သစ်သစ်
ကောင်းကောင်း ဆိုးဆိုး၊ တဖက်သတ် မေတ္တာနဲ့၊ ခွင့်လွှတ်ပေး.. လက်ကမ်းပေး နေ ပေမဲ့၊ တဖက်က၊စစ် ဗိုလ်ကြီး တွေ တဖြစ်လဲ၊ သမ္မတကြီး တွေ၊ ၀န်ကြီးတွေ ကရော..။
တကယ်တော့ သူတို့တွေ လည်း ဒေါ်အောင်ဆန်းစုကြည် ကို မလေးစား အားမကျပဲ နေမယ် မဟုတ်ပါဘူး။ အနည်းဆုံးတော့၊ ဗိုလ်မှူး အောင်လင်းထွတ် ဖော်ကောင် လုပ် သလို၊ ဒီအမျိုးသမီး မလွယ်ဘူး ဆိုတာမျိုး ၊ အရှိန်အ၀ါ ကို လန့်ကြမှာတော့ သေချာသည်။ အရင်တုန်းက မျက်နှာချင်း မဆိုင်ခဲ့တဲ့ သူ ကို၊ အခု မျက်နှာချင်း ဆိုင်တဲ့ အခါ၊ ဘယ်လောက် ရိုးသားမူ နဲ့ အမှန်တရား နဲ့ ဆက်ဆံ ကြ မလဲ။ မစု ပိန်သွားတယ် ဆိုတာလောက် နဲ့ တော့ ရိုးသားတယ် မဆို နိုင်ပေ။
ဘီဘီစီ သတင်းသမား စတီဖင် ဆော့ကာ က တော့ဖြင့်၊ ဦးသိန်းစိန် ရဲ့ အသံခပ်တိမ်တိမ် ထဲ ကို၊ ချွန်မြ တဲ့ မေးခွန်းတွေ နဲ့ ခပ်နက်နက် တူးဆွ ရှာဖွေ ခဲ့သည်။ ဆယ်စုနှစ် နှစ်ခု စာလောက် နေအိမ် အကျယ်ချုပ် ခံခဲ့ရတဲ့ ဒေါ်အောင်ဆန်းစုကြည် နဲ့ တကွ ၊ နှစ်ပေါင်းများစွာ၊ အကျဉ်းထောင်တွေမှာ၊ အပြင်မှာ ဘ၀ တွေ ကျေပျက် ခဲ့ရတဲ့ ပြည်သူ တွေ အပေါ် တောင်းပန်ဖို့ ရှိပါသလား တဲ့။ ဒီမိုကရေစီ အစစ်ဆီ ကို တကယ်သာ သွားကြတော့မယ် ဆိုရင်၊ ဖြစ်ပြီးခဲ့တဲ့ အမှားအယွင်းတွေ အပေါ်မှာ၊ တောင်းပန်ဖို့ နောင်တ ရဖို့ မရှိဘူးလား တဲ့။ စူးရှ လိုက်တဲ့ မေးခွန်းတွေ။ အားရစရာ ကောင်းလိုက်ပါပေါ့။
ဒါပေမဲ့ သမ္မတ ရဲ့ အဖြေတွေကတော့ အားရစရာ မကောင်းခဲ့ပါ။ အမှန်တရားကို မဖော်ပြ နိုင်တဲ့၊ မ၀န်ခံ ရဲတဲ့၊ ဝေ့လည်ကြောင်ပတ် အသံအက်အက် အဖြေများသာ။ ပြန်လည် သင့်မြတ်ခြင်း ဆိုတဲ့ ပန်းတိုင် တခု ဆီ ကို ရောက်ဖို့၊ အပြစ်ဖြေ ၀န်ခံ ခြင်း နဲ့၊ ကျေအေး လက်ခံ ခြင်း ဆိုတဲ့ အဆင့်တွေ မပါပဲ သွားလို့ မရ ဘူး ဆိုတာကို၊ အားလုံး မေ့များ နေကြပြီလား။ တဖက်က မေ့ချင်ယောင်ဆောင် နေတာကို၊ တဖက်က လည်း တောင်းဆို ဖို့ မ၀ံ့မသာ ဖြစ်နေလေ ရော့သလား။
ဘီဘီစီ မြန်မာပိုင်း အစီအစဉ် တာဝန်ရှိသူ ဒေါ်တင်ထားဆွေ ရဲ့ မေးခွန်းတွေကလည်း၊ တာဝန်ကျေကျေ ရဲရဲတင်းတင်း ၊ လူ့အခွင့်အရေး ကိစ္စ ကို မီးမောင်းထိုး သွားသည်။ သို့ပေမဲ့၊ မီးမောင်းကို အကြည့်လွှဲ သွားသူကတော့ ၊ ကျနော် အခုန ပြောခဲ့သလို.. နှင့်ပင်၊ ပြီးသွား ခဲ့သည်။
အဖြေရခက်တဲ့ မေးခွန်းတွေ တဲ့။ ဟုတ်ပါတယ်။ အမှန်တရား နဲ့ တရားမျှတမူ ကနေ ကင်းကွာနေခဲ့တဲ့ လူတစု အတွက်၊ ရိုးသားမူ နဲ့ ၀န်ခံမူ မပါရင် ဖြေလို့ကို မရနိုင် တဲ့ သိပ်ကို ခက်တဲ့ မေးခွန်းတွေ မို့၊ တကယ်ဆိုရင်၊ ဘာမေးခွန်းမှ အမေးမခံပဲ၊ အရင်တုန်းက၊ ခေါင်းဆောင်ကြီးလို၊ အသံတိတ်နေတာ က ပဲ၊ အကောင်းဆုံး ဖြစ်ပါလိမ့်မယ်။ အခုတောင်၊ သမ္မတ ကို၊ ဘီဘီစီ က မမေးခင်မှာ၊ ဘေးမှာ ၀ိုင်းရံ နေတဲ့ အရာရှိတွေထဲက၊ အဆင့်မြင့် မြန်မာ အကြံပေး တယောက်က၊ သူ့ ကို ခပ်လှမ်းလှမ်း ကို ခဏ ခေါ်သွားပြီး၊ အကယ်လို့ မေးခွန်းတွေကို မကြိုက်လို့ ရှိရင် သမ္မတကို မဖြေခိုင်းဘူး… လို့ ဈေးစစ် တဲ့ အကြောင်း၊ စတီဖင် ဆော့ကာ က၊ “ ဖြစ်နိုင်ချေ မရှိသော ပြုပြင်ပြောင်းလဲရေးသမား” ဆိုတဲ့၊ ဆောင်းပါး အတို တပုဒ်မှာ ရေးသားထားပါတယ်။ ဒါဆို.. သမ္မတ ကို အကြံပေး တယောက်က ထိန်းချုပ် နိုင် ခွင့် ရှိတယ် တဲ့ လား။
RFA အစီအစဉ်ကနေ .. “ ဒ်ါအောင်ဆန်းစုကြည် ဆိုလည်း ခင်ဗျားတို့ သိတဲ့ အတိုင်း .. အနှစ် နှစ်ဆယ်လုံး တောက်လျှောက် ဆန့်ကျင်နေခဲ့တဲ့ အနေအထားကနေ…” ဆိုတဲ့ အဖြေ တပိုင်းတစ ဟာ၊ ဆီသုတ်ထားပါတယ် ဆိုတဲ့ စကားလုံးတွေ ထဲကနေ၊ ကွက်ကျန် ခဲ့တာ များလား။ ပြည်သူတွေ တခဲနက် ဆန္ဒပြု ခဲ့တဲ့ ၂၀၀၈ ဖွဲ့စည်းပုံ အခြေခံ ဥပဒေ … လို့ ရော၊ ဘယ်လို ယုံကြည်မူ နဲ့ ရဲရဲတင်းတင်း ပြောနိုင် ခဲ့ တာလည်း ။ နာဂစ် ကာလ ပြည်သူတွေ ရဲ့ တခဲနက် နာကျင်မူ တွေ ကို များ၊ အသုံးအနှုံး လွဲ ခဲ့ လေသလား။ သွေးထွက်သံယို မရှိ တဲ့ ငြိမ်းငြိမ်းချမ်းချမ်း စိမ်းစိမ်းလန်းလန်း ပြောင်းလဲမူ ဖြစ်စဉ် လို့ ကမ္ဘာက အတော်များများ မျက်စိ လျှမ်း ပြောနေသလို၊ သမ္မတ လည်း၊ မျက်စိလျှမ်း ပုံ ရပါတယ်။ ဒေါ်အောင်ဆန်းစုကြည် ကတော့ ဒီနေရာမှာ မျက်စိ မလျှမ်းသလို၊ သတိ လည်း မမေ့ ခဲ့ပါဘူး။ အခု အပြောင်းအလဲ ဟာ ၁၉၈၈ ကတည်းက စတင်ခဲ့တာ ဖြစ်ပြီး၊ ကြားထဲမှာ ၂၀၀၇ ခုနှစ် သံဃာတော်လှန်ရေး ကိုလည်း ထဲ့တွက် ရမှာ ဖြစ်တဲ့ အတွက်၊ သွေးထွက်သံယို မူ မရှိဘူး ဆိုတာ၊ မဟုတ်ပါဘူး လို့… ကိုလံဘီယာ တက္ကသိုလ်က အမေးအဖြေ တခု မှာ၊ အတိအလင်းကို ထောက်ပြ သွားခဲ့သည်။
ဘီဘီစီ သတင်းထောက် ခေါင်းစဉ်ပေးထားသလို.. ဖြစ်နိုင်ချေ မရှိတဲ့ ပြုပြင်ပြောင်းလဲရေး သမား လား.. နောက်ပြန်မဆုတ်တော့မဲ့ ပြုပြင်ပြောင်းလဲရေး ဖြစ်စဉ် တွေလား ဆိုတာကတော့၊ မိမိ သဘော ဆန္ဒရှိသလို သုံးသပ်ကြည့် ကြ ဖို့ပင်။ ဒေါ်အောင်ဆန်းစုကြည် က တော့ ပြောသည် ။ အခု ဖြစ်စဉ်တွေ ကို လူတွေ သံသယ ရှိနေမယ်ဆိုတာ နားလည် လက်ခံ လို့ရပါတယ်.. အကြိမ်ပေါင်းများစွာ အလိမ်ခံခဲ့ရတာတွေ လည်း ရှိခဲ့တယ်. ဒါပေမဲ့၊ အဲဒီ သံသယ တွေက၊ ရှေ့ဆက်ရမဲ့ လမ်းခရီး အတွက် အနှောင့်အယှက် အဟန့်အတားတွေ မဖြစ်သင့်ဘူး .. ဆိုတဲ့ သဘောထား ပေးထား လေ တော့…ကဲ..ဘာတတ်နိုင်မလဲ.. ဒီလိုပဲ တရွေ့ရွေ့ တိုး ပြီး၊ ဒီမိုကရေစီ ကို ချဲ့ထွင် သွား ကြ ယုံသာ။
ဘာပဲ ဖြစ်ဖြစ်.. တို့တာဝန် အရေးသုံးပါးကို လျှော်ဖွပ် မီးပူ တိုက်ထားတဲ့ အဟောင်းထည် စကားလုံး..သဘောထား အမြင် တွေ ကြားထဲမှာ၊ ပိုက်စိပ်တိုက် ရှာ နိုင်ရင်တော့၊ အသစ်နီးပါး ကောင်းလှတဲ့၊ အဟောင်းထည်လေး တချို့ ရချင် ရ နိုင် မည် လို့ မျှော်လင့်ပါ သေး သည်။ ခပ်လတ်လတ် လေဘေးထည် လေး တွေ ဆိုရင်ပဲ၊ နိုင်ငံရေး မုန်တိုင်းကြမ်းကြီး တွေ အောက်က၊ ပြန်လည် ထူထောင်စ၊ မြန်မာနိုင်ငံ လေး အတွက်၊ သင့်တော် လှပါပြီ။
နိုင်ငံတကာ က၊ ၀ိုင်းဝန်း ကူညီ ကြ တဲ့၊ ငွေကြေးရံပုံငွေ တွေ၊ အဖွဲ့အစည်းတွေ၊ ရင်းနှီးမြုပ်နှံမူ တွေ ၊ လေဘေးထည်တွေ လို ၊ ဈေးကွက် ထဲ ရောက်မသွားဖို့ ကို တော့ ၊ နာနာ ဆုတောင်းရ ပေ တော့မည်။
ကေသွယ်
၂၀၁၂ အောက်တိုဘာ ၁ ရက်
Posts
0 comments:
Post a Comment