နောက်တောင်ကျနေတဲ. compromise

       ဖတ်မိပြီးကြိုက်တဲ.ပိတောက်မြေဘလော.ဂ်ကကိုဂျူးရဲ.ပို.စ်တစ်ခုပါ။ကျွန်တော.
အနေနဲ.အခုအချန်အထိဘယ်သူ.ရဲ.သီချင်း၊စာပေဖြစ်ဖြစ်အကုန်လုံးကိုခြွင်းချက်မရှိကြိုက်
တယ်ဆိုတာမရှိသေးပါ။ကိုယ်.စိတ်ထဲကလက်ခံချင်တာကိုပဲလက်ခံပါသည်။အခုလည်းကိုဂျူး
ရဲ.ဆောင်းပါးအားလုံးကိုကြိုက်သည်မဟုတ်တစ်ချိူ.ကိုကြိုက်ပြီးတစ်ချိူ.ကိုမကြိုက်ပါ။သို.
သော်လွတ်လပ်စွာသလောကွဲလွဲခွင်.ကိုတော.လေးစားပါသည်။အခုကြိုက်မိတဲ.ပို.စ်ကို
ခွင်.တောင်းပြီးတင်လိုက်ပါသည်။

တပ်မတော်ဘက်ကလဲ တပ်မတော်သာအမိ တပ်မတော်သာအဖ၊ ပြည်သူ့ဘက်ကလဲ ပြည်သူသာအမိပြည်သူသာအဖ၊ ဒီတိုက်ပွဲဟာ နှစ်တွေကြာညောင်းနေပြီ။ တိုင်းပြည်လည်း ဖွတ်ဖွတ်ကျေနေပြီ။ လူတွေလည်း အများကြီး ဘ၀ပျက်ဆင်းရဲခဲ့ပြီ။ အခုလည်း နအဖဟာ ပြည်သူ့ဆန္ဒအစစ်အမှန်မပါဘဲ စိတ်ကြိုက်ဆွဲထားတဲ့ ၂၀၀၈အခြေခံဥပဒေနဲ့ ၂၀၁၀မှာရွေးကောက်ပွဲလုပ်ပြီး စစ်အစိုးရပုံစံတစ်မျိုးနဲ့ ဆက်လက်ချီတက်ဦးမယ်။ ဒီပုံအတိုင်းဆို post election political situation က ဒေါ်စုနဲ့ နိုင်ငံရေးသမား တွေ လွတ်လမ်းမမြင်သေးဘူး။ အစိုးရက တရားစီရင်ရေးမဏ္ဍိုင်နဲ့ ဥပဒေပြုရေးဏ္ဍိုင်တွေကို ကိုင်ထားဦးမယ်။ economy က စီးပွားရေးပိတ်ဆို့မှု ရှိနေဦးမယ်။ ရင်းနှီးမြှုပ်နှံမှုတွေ အကူအညီအထောက်အပံ့တွေ ဝေးနေဦးမယ်။ လက်ရှိနိုင်ငံရင်ဆိုင်နေရတဲ့ နိုင်ငံရေးအကျပ်အတည်းတွေ၊ စီးပွားရေးအကျပ်အတည်းတွေ ထွက်ပေါက်မရှိ ပိတ်နေဦးမယ်။ ဒါကို ကျွန်တော်တို့က ဒီမိုကရေစီလို့ ခေါ်မယ်။ ဒီနည်းနဲ့ အေးချမ်း သာယာခေတ်မှီဖွံ့ဖြိုးတိုးတက်သော ဒီမိုကရေစီနိုင်ငံတော်ကြီး တည်ထောင်မယ် ဆိုရင်တော့ အဆိုကျော်ကိုင်ဇာရဲ့ သီချင်းအတိုင်း ““စွမ်းမယ်ထင်လုပ်ကြည့်လိုက်လေ”” လို့ပြောရမှာဘဲ။ မြန်မာနိုင်ငံအတွက် ဘာတစ်ခုမှ အကျိုး မရှိပါဘူး။

အခု၂၀၀ရ-၂၀၀၈မှာ နအဖ pressure မိနေတယ်လို့ထင်တယ်။ အရင်လို ဖြစ်ချင်ရာဖြစ် မလုပ်ရဲတော့ဘူး။ ရွေးစရာနည်းလမ်း ကုန်သွားတာလည်းပါမယ်။ အရင်တက်လာခါစက Diplomacy ဆိုတာ ဖြူသလားမဲသလား မသိဘူး။ ဂရုလဲမစိုက်ဘူး။ မျက်ကန်းတစ္ဆေမကြောက် လုပ်ချင်ရာအကုန် လျှောက်လုပ်လာခဲ့တာဘဲ။ ၁၉၈၈ ဗိုလ်ချုပ်နေ၀င်းဟာ ရှက်တတ်လာတာမှာ ပြုတ်ကျသွားခဲ့ပါတယ်။ အရင်တုန်းကဆို ဦးနေ၀င်းလည်း ဘယ်လက်နှေးလိမ့်မလဲ၊ ထစ်ကနဲဆို သေနတ်ဆွဲပစ်တဲ့ ကောင်းဘွိုင်ကြီးပေါ့၊ မိတဲ့ကောင် ထောင်ထဲထည့် လာခဲ့တဲ့သူဘဲ။ ဒါပေမဲ့ ၁၉၈၈မှာ ဦးနေ၀င်း လူထုကိုရက်ရက်စက်စက် မလုပ်ရဲတော့ဘူး၊ ဆင်းပေးသွားခဲ့တယ်။ ရှက်တတ်လာတာကိုပြတာပါ။

အခုမြန်မာနအဖလည်း ၂၀၀၈အခြေခံဥပဒေအတည်ပြုပြီး သူတို့ကိုသူတို့ တရားဝင်အစိုးရဆိုတာ ကမ္ဘာမှာ လုပ်ချင်လာပြီ၊ စစ်အစိုးရ အခေါ်ခံရတာကို မကြိုက်တော့ဘူး၊ ရှက်တတ်လာပြီ။ ဒီမိုကရေစီနိုင်ငံတွေက နိုင်ငံခေါင်းဆောင်တွေ၊ သံတမန်တွေက သူတို့ကို သေချာကြည့်ရင် ရှိုးတိုးရှန့်တန့်နဲ့ မနေတတ်တော့ဘူး၊ တကယ်ပြင်ဘို့ စဉ်းစားနေပြီလို့ ထင်တယ်။

အခုနောက်ပိုင်း နာဂစ်မုန်တိုင်းအပြီးမှာတော့ နအဖ နဲနဲမာန်ကျသွားတယ်။ အရင်က မြန်မာပြည်ဟာ ဗုဒ္ဒဘာသာ တိုင်းပြည်၊ ခေါင်းဆောင်တွေကလဲ မင်းကောင်းမင်းမြတ်တွေမို့၊ မင်းကျင့်တရားနဲ့အညီ အုပ်ချုပ်သူတွေမို့ ဒီလိုဘေးဆိုးကပ်ဆိုးကြီးတွေ တစ်သက်လုံး ဘယ်တော့မှ မဖြစ်ဘူးဆိုပြီး ပြည်သူတွေ ယုံအောင် ခဏခဏ ပြောခဲ့ကြတယ်။ တော်ယုံကြီးကြီးမားမားဖြစ်လဲ လူမသိအောင်၊ သတင်းအပြင်မထွက်အောင် မှောင်ချထားနိုင်ခဲ့တယ်။ သူတို့ကိုသူတို့ မင်းကောင်းမင်းမြတ်တွေလို့ ယုံနေခဲ့ကြ တယ်။

အဲ-နာဂစ်မုန်တိုင်း မိလိုက်တာမှာ တညထဲနဲ့ သူတို့တွေ ဘာမှမဟုတ်ဘူး၊ ဆင်းရဲတဲ့သာမန်အစိုးရဘဲ၊ မြန်မာပြည်ဟာလည်း ဘာမှ မဟုတ်ဘူး၊ သူများနိုင်ငံတန်းတူဆင်းရဲတာဘဲ၊ ဘေးအန္ဒရယ်ဆိုးတွေကျရောက်နိုင်တာဘဲ၊ လူငါးရာ တစ်ထောင်သေတုန်းက ဖုံးဖိထား လို့ရတယ်၊ အခု လူသိန်းနဲ့ချီသေလိုက်တော့ ဖုံးဖိထားလို့လဲမရဘူး၊ တစ်သက်လုံး ယုံခဲ့သမျှ လေမုန်တိုင်းတစ်ည တိုက်လိုက်တာနဲ့ အားလုံး မျက်စီရှေ့မှာ ရှင်းရှင်းလင်းလင်း ပေါ်သွားတယ်။ နာဂစ်ကို အကောင်းဘက်ကစဉ်းစားရင်တော့ ဒါမြတ်တယ်။

မြန်မာနိုင်ငံအခြေအနေက အလှည့်အပြောင်းတစ်ခုတော့ ရောက်နေတာအမှန်ပါဘဲ။ ကောင်းလာမှာလား? ဆိုးသွားမှာလား? ဘာဖြစ်လာမဲ့ အလှည့်အပြောင်းလဲသာ ကြိုမပြောနိုင်တာ၊ လွယ်လွယ်လေးနဲ့ တစ်ခုခုတော့ အပြောင်းအလဲ ဖြစ်တော့မယ်။ အခြေအနေ တွေက ၂၀၀၈ နာဂစ်အပြီး၊ ဆန္ဒခံယူပွဲပြီးကထဲက ပြောင်းမှန်းမသိဘဲ ပြောင်းလဲသွားတယ်။

NLDက အရင်အနှစ်နှစ်ဆယ်လုံးလုံး ရွေးကောက်ပွဲနိုင်ထားလို့ သူသွားချင်တဲ့ ဒီမိုကရေစီလမ်းကို ရှေ့တိုးချင်တဲ့သူ၊ နအဖက ဒီမိုကရေစီကို ဖုတ်ပူမီးတိုက်အလျှင် အမြန်ပြောင်းလဲလိုက်ရင် ယူဂိုဆလဗ်လို တိုင်းပြည်ပြိုကွဲသွားမယ်။ ကိုဆိုဗိုလိုပြည်တွင်းစစ် ဖြစ်သွားမယ်၊ ကုလသမဂ္ဂတွေဘာတွေဝင်မရှုပ်နဲ့၊ ၀င်မပါနဲ့ မရဘူးလေဆိုပြီး ရှေ့မတိုးနိုင်အောင် တိုင်းပြည်ကို ဆွဲထားတယ်။ NLD ကို တိုင်မှာ ကြိုးနဲ့တုပ်ထားသူ။

ဒီကနေ့အခြအနေကတော့ နအဖက သူ့လမ်း (road map) နဲ့မှ ဒီမိုကရေစီတကယ်ရမှာဆိုပြီး အခြေခံဥပဒေအသစ်ဆွဲပြီး ၂၀၁၀မှာ ရွေးကောက်ပွဲလုပ်ဘို့ ရှေ့တိုးချင်သူ။ NLDက ဒီလိုမတရားမလုပ်နဲ့လေဆိုပြီး သဘောမတူဘူး၊ ငါတို့မပါဘူး၊ UN ဒီပုံစံမျိုးနဲ့ ၀င်မရှုပ်နဲ့၊ နအဖ ကိုယ့်ဖာကိုဖြစ်အောင်လုပ်ပစေ ဆိုပြီး ၀င်မပါဘူးလုပ်နေသူ။ ဆွဲထားသူ၊ နအဖနဲ့ NLD နေရာခြင်းက ပြောင်းပြန်ဖြစ် သွားတယ်လို့ မြင်တယ်။

မတူတာတစ်ခုရှိတယ် NLD က နအဖကို သူ့တုန်းကလို တိုင်မှာကြိုးတုပ်ထားလို့မရဘူး၊ နအဖလုပ်တာကို သဘောမတူရင် ၀င်မပါတာဘဲ တတ်နိုင်တယ်၊ ရပ်သွားအောင် မတားနိုင်ဘူး။ နအဖကလဲ အဲဒီဟာကို ဂယ်ပေါက်လို့ထင်ပြီး လျှောကနဲ ထွက် သွားတယ်။ ၂၀၀၈အခြေခံဥပဒေကို လေထဲမိုးထဲမှာတောင် အတည်ဖြစ်အောင် ဆန္ဒခံယူပွဲလုပ်ပြီး ၂၀၁၀မှာ ရွေးကောက်ပွဲကို လည်း လုပ်ဖြစ်အောင် လုပ်ကိုလုပ်မယ် လို့ ပြောလိုက်မိတယ်၊ ခုတော့ ကိုယ့်စကားနဲ့ကိုယ် မိသွားတယ်။ NLD မပါလဲ ရွေးကောက်ပွဲလုပ်ရတော့မယ်။ ဂယ်ပေါက်လို့ထင်ခဲ့တာ မဟုတ်ဘူး၊ NLD၀င်မပါရင် နောက်တက်တဲ့အစိုးရအတွက် ပိတ်ဆို့မှုတွေ၊ ရင်းနှီးမြှုပ်နှံမှုတွေ၊ ငွေရေးကြေးရေး အကူအညီတွေနဲ့ ဝေးနေသေးမှန်း တွက်မိပုံရတယ်။ NLDကို ပြတ်ပြတ် သားသား မကိုင်သေးဘူး။ ဂန်ဘာရီကိုဖိတ်ပြီး ၂၀၁၀မှာ ၀င်အရွေးခံဘို့ နားချခိုင်းတယ်။ ဒီအချိန်မှာ ဒေါ်စုကကြားထဲက ဂန်ဘာရီကို ဖယ်လိုက်တယ်။ ဒီနေ့ သတင်းစာအရ နအဖရဲ့ ဆက်ဆံရေးဝန်ကြီး ဗိုလ်ချုပ်အောင်ကြည်ကိုပါ ထပ်ဖယ် လိုက်တယ်၊ ဒီလူတွေ လုပ်ပုံကိုင်ပုံ ဒီအဆင့်လောက်နဲ့ မရဘူး ပြောလိုက်တာ ထင်တယ်။ နအဖလုပ်ရှားဖို့ နေရာကျဉ်းသွားတယ်။ UNဆိုမျက်နှာဘယ်ထား ရမှန်းတောင် မသိတော့ဘူး။ ဘာဆက်ဖြစ်ဦးမလဲ မသိဘူး။ ကြည့်လို့ ကောင်းတယ်။

တိုင်းပြည်လဲ စစ်အစိုးရအဆက်ဆက် နှစ်၅၀ကျော်လာပြီ မချမ်းသာနိုင်သေးဘူး။ မအေးချမ်းနိုင်သေးဘူး။ ဒီအချိန်မှာ ဘာလို့ နှစ်ဘက်လုံး ခေါင်းမာနေကြမှာလဲ? တစ်ယောက်ကိုတစ်ယောက် လေးလေးစားစား သတ္တိရှိရှိနဲ့ အပေးအယူ အလျှော့အတင်း compromise လုပ်ကြဘို့သင့်ပြီ ထင်တာဘဲ။ နောက်တောင်ကျနေပါပြီ။ ကျွန်တော်တို့ ပြည်သူတွေကတော့ ဘယ်သူအုပ်ချုပ် အုပ်ချုပ်တိုင်းပြည်ကောင်းဘို့လိုရင်းပါ။ ဗိုလ်ချုပ်မှုးကြီးလဲ အရည်အချင်းရှိရင် အရွေးခံပါ။ မဲထည့်မယ်။ ဒေါ်စုလည်း တိုင်းပြည်အတွက် လုပ်နိုင်ရင်လုပ်ပေးပါ။ တပ်မတော်ကော NLDကောတူတူပါဘဲ။ ဘယ်သူမှမသာပါဘူး၊ ခြောက်ပြစ်ကင်း မဟုတ်ဘူး၊ အရည်အချင်းရှိသူတက်ရင် တိုင်းပြည်ကောင်းစားမှာဘဲ။ ဘယ်သူအရည်အချင်း ဘယ်လောက်ရှိလဲ အူဘယ်နှစ်ခွေရှိလဲ ပြည်သူတွေကသိပါတယ်။ တပ်မတော်သားတွေပါနေတာလဲရပါတယ်၊ ကျွန်တော်တို့ညီအစ်ကို သားသမီးတွေဘဲ၊ NLD လဲ ကျွန်တော်တို့ အတွက် အနစ်နာခံနေတဲ့ ခေါင်းဆောင်တွေဘဲ၊ မျှမျှတတစဉ်းစားကြည့်မယ်။

Compromise လုပ်ကြဖို့ ကျွန်တော် အကြမ်းဖြင်း မှန်းကြည့်သလောက် -

အတိုက်အခံက (၁) ၁၉၉၀ရွေးကောက်ပွဲ ရလဒ်ကို စွန့်လွှတ် (၂) ၂၀၀၈ အခြေခံဥပဒေနဲ့ ၂၀၁၀ရွေးကောက်ပွဲကို အသိအမှတ်ပြု၊ ၀င်ပြိုင်၊ (၃) အရင်အစိုးရလုပ်ခဲ့တာတွေကို တရားမစွဲပါဘူး လူနဲ့ပစ္စည်း လုံခြုံမှု အာမခံ။

နအဖက (၁) *၂၀၁၀ ရွေးကောက်ပွဲကို အားလုံးဝင်ပြိုင်နိုင်အောင် လုပ်ပေး၊ (၂) လွတ်လပ်တဲ့ တရားစီရင်ရေးနဲ့ ဥပဒေပြုရေးကို အစိုးရက ၀င်မစွက်နိုင်အောင်လုပ်ပေး (၃) လွှတ်တော်သက်တမ်း ၂ ခါပြည့်ရင် တပ်မတော်သားအမတ် ၂၅% မထည့်တော့ဘူး ဆိုတာ အခြေခံဥပဒေထဲ ထပ်ထည့်။

ဒီလောက်ဆို သင့်တော်မလား? မျှတမလား? Thinking aloud ပေါ့၊ အမြင်မတူသူတွေ ရှိမှာပါ။ နှစ်ဘက်စလုံးအလျှော့ပေး Compromise ကတော့ လုပ်ကို လုပ်ရမှာဗျ။ မလုပ်လို့ မရဘူး။

* ကုလသမဂ္ဂကပြောတဲ့ “၂၀၁၀ ရွေးကောက်ပွဲကို အားလုံးဝင်ပြိုင်နိုင်အောင် လုပ်ပေး၊” ဆိုတဲ့အဓိပါယ်က အတိုက်အခံတွေ ၀င်ပြိုင်ခြင်အောင် သင့်တော်တဲ့ atmosphere လုပ်ခိုင်းတာပါ။ ဒေါ်စုနဲ့နိုင်ငံရေးအကျဉ်းသားတွေ လွှတ်ပေးရမယ်ဆိုတာ understood ပါ။