အမှတ်တရဗိုလ်ချူပ်အောင်ဆန်း ....

အမှတ်တရဗိုလ်ချူပ်အောင်ဆန်း ....

အာဇာနည်နေ.ရောက်တိုင်းဘယ်တော.မှမေ.မရတဲ.ဗိုလ်ချူပ်အောင်ဆန်းအကြောင်း
တွေးမိပြီးငယ်စဉ်ကအာဇာနည်နေ.ကျင်းပပုံနဲ.ယခုအခါအဖြစ်သဘောကရော်ကမည်
ကျင်းပနေပုံတွေကိုပြန်လည်နှိုင်းယှဉ်နေမိတယ်....


တိုင်းပြည်အတွက်ကိုယ်ကျိူးစွန်.တဲ.နေရာမှာရှာမှရှားတဲ.ဗိုလ်ချူပ်အောင်ဆန်းအကြောင်း
ရေးထားတဲ.ကဗျာလေးတစ်ပုဒ်တွေ.မိလို.အမှတ်တရတင်လိုက်ပါတယ်...

ကဗျာနာမည်ကိုလည်း "ကျွန်တော်တို.အားလုံးရဲ.အဖေ" လို.ပေးလိုက်ပါတယ်...
မူရင်းကဗျာရေးသူနားလည်ခွင်.လွှတ်နိုင်လိမ်.မယ်လို.ယုံကြည်ပါတယ်...



ပေးဆပ်သူဘလော.ဂ်ကဒီကဗျာလေးကိုရပါတယ်...



ကျွန်တော်တို.အားလုံးရဲ.အဖေ...

သူ့ ဟာ ကျွန်တော်.အဖေဖြစ်သလို
ကျွန်တော်တို့ အားလုံးရဲ့ အဖေ လို့ လည်းပြောလို့ ရတယ်...။။။

လူ့လောကထဲ သူနေခဲ့ရတာက
၃၂နှစ်၊၅လ၊၆ရက်တည်းရယ်ပါ။
၁၃.၂.၁၉၁၅ မှ ၁၉.၇.၁၉၄၇နက်မောက်ဦးသောဘိတကျောင်း..
ရေနံချောင်း အမျိုးသားကျောင်း...
ရန်ကုန်တက္ကသိုလ်တွေမှာ ပညာဆည်းပူးခဲ့..
၁၉၄၃ ကျောင်းသားသမဂ္ဂအမှု့ဆောင်နဲ့နိုင်ငံရေးဘဝစတင်
နိုင်ငံရေးလုပ်သက်၁၃နှစ်
အဓိကဖြတ်သန်းမှုတွေကတော့
မြန်မာ့လွတ်လပ်ရေး(သို့)စတုတ္ထမြန်မာနိုင်ငံတော်....။

အရပ်ပုပု
မျက်မှောင်ကုတ်ကုတ်
ပိုသီပတ်သီအညာသား။
ဘီအေကျောင်းသား
စကားမပြော
ပြောရင်မရပ်
ညှင်းသိုးသိုးအရိုးးခံ
ခေါင်းအမာဆုံး
ဇွဲအရှိ့ဆုံး
စိတ်ဓာတ်အပြင်းထန်ဆုံးလူသား...။

သူမသိနားမလည်တာတွေက အများသား
ရေမကူးတတ်ဘူး...
စက်ဘီးမစီးတတ်ဘူး...
စန္ဒရားမတီးတတ်ဘူး...
သီချင်းကောင်းကောင်းနားမထောင်ခဲ့ ရဘူး...
မိန်းမ မပိုးတတ်ဘူး...။

ဘိလပ်ပြန်သန်းကိုမေရှင်သီချင်းဆိုခိုင်းခဲ့သူ..
ချစ်ရတဲ့နာစ့်မလေး ကြည် ကိုလူငှားနဲ့ပိုးခဲ့ရသူ..
VIP ဆိုတဲ့စာတန်းကိုအလွန်စက်ဆုပ်ရွံရှာသူ..
လမ်းဘေးမှာ..ကျောက်ကျောရေသောက်တဲ့ ဝန်ကြီးချုပ်...
မင်္ဂလာဆောင်မှာ..ခဲဖိုးတောင်းတာနားမလည်တဲ့သူ...
လွတ်လပ်ရေးကိုစဉ်းစားရင်း..စစ်ဖိနပ်ကိုပြောင်းပြန်စီးတဲ့သူ ..
လွတ်လပ်ရေးကိုစဉ်းစားရင်း..ဆံပင်ညှပ်မပြီးခင် ထထွက်သွားတဲ့သူ...
တွေ့ချင်လွန်းလို့ လမ်းမှာတားတဲ့ရွာသားတွေနဲ့အတူ လမ်းဘေးမှာ အကြော်စားတဲ့ဝန်ကြီးချုပ်....
သူ့ကိုယ်သူ ပြည်သူတစ်ယောက်အဖြစ်ခံယူတဲ့ဝန်ကြီးချုပ်....။

ပြည်သူတွေကြားမှာဝင်.၀င်.ထွားထွားသူရဲကောင်းပေမဲ့
အိမ်ထောင်ရှင်ဖခင် ဇနီးကို ချစ်တတ်တဲ့သူ......။
" ကြည်.....ပဲပြုပ်နဲ့နံပြားရရင်စားချင်တယ် "
မိန်းမကို မနက်စာပြင်ခိုင်းတဲ့သူ
သူ့ရဲ့ ကမ္ဘာကျော်စာ...ဗိုလ်ချုပ်အဆင့်ရဲ့အမှားနဲ့
သာမန်ရဲဘော် အဆင့်ရဲ့အမှန်ကိုကွဲကွဲပြားပြားသိသူ
လူငယ်ဘဝ ၊ လူ့ဘဝရဲ့
စည်းစိမ်အရသာတွေခံစားဖို့အချိန်မရခဲ့တဲ့သူ
သူ့ဖြတ်သန်းမှုမှာ လွတ်လပ်ရေးဆိုတာ တစ်ခုတည်းနဲ့
ပကတိရိုးစင်း သန့်စင်ခဲ့တဲ့သူ
သူ့ကိုဒဂုန်တာရာက ကင်ပွန်းတပ်
" အောင်ဆန်း(သို့) အရိုင်း" တဲ့...။

လုပ်သက်ကခပ်နုနု
ကျောင်းသားပေါက်စ
သခင်ပေါက်စ
စစ်သားပေါက်စ
နိုင်ငံရေးသမားပေါက်စ
ဘဝတွေကအဖုံဖုံ
အသက်က၃၀မရှိတစ်ရှိ...။
စစ်ပြီးရင်..
မြန်မာနိုင်ငံကြီးလွတ်လပ်ရေးရပြီးရင်
သူလုပ်ချင်တာက .... လူရယ်ချင်စရာဗျာ...
စာရေးဆရာ...တဲ့......။

လွတ်လပ်ရေးရရင် အနားယူ ကဗျာတွေ ၊ စာတွေရေးမယ်..တဲ့
အားရင်အားသလို သတင်းစာတွေ ၊
မဂ္ဂဇင်းတွေမှာဆောင်းပါးတွေ ၊
စာတွေရေးနေတဲ့သူ...
ကြည်ညိုလို့ရော..စာကောင်းလို့ရော..
ထိုခေတ်က ဆောင်းပါးကြေးအမြင့်ဆုံးရတဲ့လူ.......။

ကြမ်းတမ်းရင့်ထော်လူစိတ်မှ ရှိရဲ့လားလို့အထင်မမှားပါနဲ့...
လွတ်လပ်ရေးအတွက်သူ ရဲရင့်ရပေမဲ့...

စတုတ္ထမြောက်ရင်သွေးသမီးကလေး
ရက်သားလေးနဲ့ ကြွေလွင့်ခဲ့ရတော့
မျက်ရည်တွေဝဲ
သူ စိတ်ဆင်းရဲခဲ့ဖူးတယ်....။

ဒီ အောင်ဆန်းလက်တောက်လေးကို
ဘာကြောင့်နေမဝင်အင်ပါယာကြီးဒူးထောက်ခဲ့ရပါသလဲ........။

တကယ်ဆိုတော့ ...
ငါတို့အောင်ဆန်းကနယ်နယ်ရရမဟုတ်
ရိုးသားတဲ့မြန်မာတွေထက်
ပိုရိုးသားတဲ့အောင်ဆန်း
သတ္တိပြောင်တဲ့မြန်မာတွေထက်
ပိုသတ္တိရှိတဲ့အောင်ဆန်း
ဒီလိုအောင်ဆန်း
သူ့သွေးသားအရိုးအချည်တွေအားလုံး
လွတ်လပ်ရေးတစ်ခုတည်းနဲ့
အပြီးစုစည်းတည်ဆောက်ပြတဲ့အောင်ဆန်း
တကယ့်အရိုးခံအောင်ဆန်းပေါ့..... ။

ရိုးတာမှအလွန်ရိုး
ဂျပန်မှာ ဗိုလ်ကြီး ဆူဇူကီးကမိန်းမခေါ်ဦးမလား ဆိုလို့ 
ရှက်သွေးဖြာခဲ့ဖူးတဲ့သူ.......။

ပိုက်ဆံမရှိလို့ထမင်းအကြွေးမစားဖူးတဲ့ဆိုင်မရှိ ..
ငါးမူးတန်းက ရုပ်ရှင်ကြည့်ခဲ့ဖူးတယ်..
ကားပျက်နေတာတောင်အခွင့်အရေးတောင်းသူတွေကိုမုန်းလို့
သူတို့ကားအကူအညီ မယူပဲရုံးကို လမ်းလျှောက်သွားတဲ့သူ.........။

ဒီအောင်ဆန်းကိုလွတ်လပ်ရေးလမ်းဝမှာ
ဘွားကနဲမြင်လိုက်ရရုံပဲ
အောင်ဆန်းရဲ့ ဆရာတွေ မှိုင်း ၊ မြ၊ ချို တို့ကအစ
"ငါတို့ အားကိုးပါရစေ" ဆိုလာကြ...
ရှေးဘိုးဘွားမိဘပြည်သူတွေက
"ငါတို့ကယ်မယ့်မင်းလောင်းပေါ်ပြီ ""ပြုံးပျော်ကြ"
လူငယ်သွေးသောက်မြန်မာတွေက..." ငါတို့စွန်.ပါရစေ "
ဆိုပြီးရှေ့ထွက်လာကြ၊ စုကြ ၊ ရုံးကြ ၊
စည်းရုံးကြတကယ့်ဗမာတွေ........
မဟာအောင်ဆန်းနောက်က
ပြည်သူ့ဒီလှိုင်းလုံးကြီးတွေရဲ့
တဝုန်းဝုန်းရိုက်ခတ်သံဟာ
အဲဒီအချိန်ကဝိတိုရိယဘုရင်မကြီးကိုတောင်
အိမ်မက်တွေအေးခဲစေခဲ့သပေါ့....။

အောင်ဆန်းရှေ့ရောက်ရင်
ရှမ်းတွေက ရှမ်းစကားမဆိုကြ...
ကချင်တွေကလည်း ကချင်စကားမဟကြ...
အောင်းဆန်းကိုယုံကြည်စွာနဲ့
သူတို့သခင်အဖြစ် အသိမှတ်ပြုကြ
အားလုံးသောတိုင်းရင်းသားတွေ.... ။

ဒီပြည်လုံးကျွတ်အားကို စုစည်းနိုင်ခဲ့လို့လည်း
အင်္ဂလိပ်တွေက
ဒီအောင်ဆန်းလက်တောက်လောက်နဲ့
တစ်စားပွဲထဲ ဝိုင်းထိုင်ခဲ့ကြပေါ့
အကင်းပါးသူတွေပီပီ
မတိုက်မှီက ရှုံးနေတဲ့ ဒီစစ်ကိုဒင်းတို့မတိုက်ဝံ့ကြ...
မျက်နှာမပျက်
အောင်မြင်စွာဆုက်ခွာမယ့်လမ်းကိုသူတို့ရွေးခဲ့ကြ....
အောင်ဆန်းနဲ့အတွေ့မှာပေါ့...... ။

ယုံကြည်အားတဲ့
မျက်လုံးပေါင်းသန်း၆၀အောင်ဆန်းမှာရှိတယ်.၊
လွတ်လပ်ရေးကို တရှိုက်မက်မက်တောင့်တတဲ့
နှလုံးသားသန်း ၃၀ အောင်ဆန်းမှာရှိတယ်..၊
အောင်ဆန်းသေဆို သေပြဝံ့တဲ့သူ
အောင်ဆန်းမှာ တပြည်လုံးရှိ့တယ်..၊
ဒီမျက်နှာ နှလုံးအသက်ဗို့အားသိန်းသန်းချီပြီး
မီးဆလိုက်အားတွေနဲ့
နေမဝင်အင်ပါယာကိုပြက်ပြက်သားသားလှမ်းထိုးလိုက်တဲ့ အခါ
အခြောက်တိုက် ဘဝင်မြင့်နေသူတွေအားလုံးအရည်ပျော်သွားခဲ့ကြ......။

ဘယ်ရာဇဝင်မှာ ခင်ဗျားတို့တွေ့ဖူးလဲ
ဂျပန်ဆိုတာမနှုးမနပ်မဟုက်ဘူး
အင်္ဂလိပ်ဆိုတာဝေလာဝေး
သူငယ်နှပ်စားမဟုက်ဘူး
ဒင်းတို့တွေကိုတောင်ရအောင်စည်းရုံးနိုင်တဲ့ အောင်ဆန်း
ဒီအောင်ဆန်းက စစ်ကိုမလို
ဒါပေမယ့် " ရရင်ရ မရရင်ချ "ဆိုတာအောင်ဆန်းဝါဒ....
လွတ်လပ်ရေးကို အမြန်ဆုံးလိုချင်နေတဲ့အဲ့ဒီအချိန်
ပြည်သူတွေရဲ့တစ်ဦးတည်းသောကိုယ်စားလှယ်
ငါတို့အောင်ဆန်းပေါ့.....။

ဗိုလ်ရူးလို့ပြောတဲ့လူတွေကိုဂရုမစိုက်ပဲ
မြန်မာနိုင်ငံသားတွေကိုအင်္ဂလိပ်စာတတ်စေချင်ခဲ့လူ
သူ ကိုယ်တိုင်..အမျိုးသားကျောင်းထွက်
ဒါပေမဲ့ အင်္ဂလိပ်စာကိုထုံးလိုချေ ၊ ရေလိုနှောက်တဲ့သူ.....။
အင်္ဂလိပ်စာတတ်ရင်ဘာထူးလဲလို့မေးတဲ့လူတွေကိုစေ့စေ့ကြည့်ရင်း
"အနည်းဆုံး အင်္ဂလိပ်တွေကိုအင်္ဂလိပ်လို ဆဲလို့ရတာပေါ့ "
လို့ခပ်ရင့်ရင်ပြောခဲ့တဲ့သူ........ ။
မြန်မာမှာရောကမ္ဘာမှာပါ..
ရှာမှရှား အမျိုးသား
အင်္ဂလိပ်လိုရေးပြီးဒီမိန့်ခွန်းကို ကြည့်
မြန်မာလို လက်တန်းပြောခဲ့တဲ့သူ......။

ဗိုလ်အောင်ဆန်းဒီအချိန်ဆို (၉၃)နှစ်ရှိပြီ
(အောင်ဆန်းပြောမယ်)အဘိုးရဲ့စကားနားထောင်......။

"မမေ့နဲ့......
မင်းတို့ကနေ့ရှုေ နတဲ့လေဟာ
ငါတို့....မနေ့ကချွေးစက်တွေဆိုတာ...မမေ့နဲ့...
မင်းတို့မြန်မာဆိုတဲ့ စကားတခွန်းရဖို့
ငါတို့.... ဗုံးပေါလအောကျဆုံးပေးခဲ့ရတာ...မမေ့နဲ့....
မင်းတို့ကမ္ဘာ့မြေပုံပေါ်တက်နိုင်ဖို့
ငါတို့.....အလောင်းကောင်တွေဆင့်ပြီးထမ်းတင်ပေးခဲ့တာ.... မမေ့နဲ့...........။

မြန်မာလူမျိုးတိုင်းမှာအဖေနှစ်ယောက်ရှိတယ်
တစ်ယောက်ကကိုယ့်သွေးသားအဖေ
ကျန်တစ်ယောက်က
မြန်မာလူမျိုးကို မွေးပေးခဲ့တဲ့အဖေ
မြန်မာလူမျိုးရဲ့အဖေမြန်မာ့အဖေအောင်ဆန်းပေါ့.....။